الروح المفقودة
لا اريد ان اتحدث في الرياضة او في لعبة معينة
ولكن اريد ان اتسأل فقط ؟
لماذا يتفوق المصري في الالعاب الفردية
ويخيب امل المصريين في الالعاب الجماعية
فهناك نجوم شرفوا مصر في الالعاب الفردية
كرم جابر واحمد برادة وعمرو شبانة بطل العالم في الاسكواش
ونجوم اولمبياد اثينا
وفي نفس الوقت نجد منتخب القدم في جميع الاعمار
لايصل الي البطولات الكبري
ومنتخب الطائرة ينهزم في جميع مباراته في الدوري العالمي لكرة الطائرة
ويظهر المسئول يقول يكفي المشاركة المشرفة
هل هناك سبب لكل هذا؟ام انه صدفة؟
هل يفتقد المصريين روح الجماعة؟
اساس الاسلام
واعتقد ان هذا هو السوال؟
وفي نفس الوقت اتذكر حرب اكتوبر وروح الجماعة التي جعلت النصر ممكن رغم تفوق اسرائيل
فأين الحقيقة؟
Falling hearts Here
هناك ١٥ تعليقًا:
ازيك ياابراهيم اولا انا مبسوطه جدا انى اول واحده اعلق المره دى
انا زيك مش عارفه ليه المصريين فقدوا روح الجماعه اللى كانت موجوده ومنتشره ايام الرسول عليه افضل الصلاه والسلام ولكن ممكن يكون راجع لانتشار الانانيه وحب الفس اكتر من الاول
وكتير من الناس بيحبوا ينفردوا بعمل ما ليكون النجاح لهم وحدهم
ولا اعلم فين الحقيقه مثلك
احييك بشده
لاننا لا نحن العمل
team work
نحب التفرد ولا نحب مساعده الاخرين
ودائما للانتصار مليون اب ولكن للهزيمه لا تجد من يتحملها
فأننا نفتقد لروح الجماعه
أزيك يا هيما أخبارك أيه وأخبار الآجازة
أيه ياعم قلقتني بتعليقك
هو في جديد ولا أيه؟
لو فهمت قصدي رد عليا ماشي
أما عن البوست بقي فده
بسبب أننا بقينا أنانيين
وتملكنا حب الذات
لما تكون بطولة فردية بيفضل أسم البطل محفولر في الآذهان
أما لو بطولة جماعية فلا يذكر سوي أسم البطولة
والكل أصبح يجري وراء الشهرة
ام عهد
الحمد الله انا كويس
وانا مبسوط انك اول واحدة تعليقي في الموضوع
ان معاكي ان الانانية شي انتشار كتير اليومين دول
استاذ محمد مفيد
اعجبتني جملة"دائما للانتصار مليون اب ولكن للهزيمة لا تجد من يتحملها"
وحققنا نفقد روح الجماعة
نورهان
الاجازة تمام الحمد الله
بس بجد زعلان علشان الاجازة مش بتجمعنا كلنا
وبخصوص التعليق ده مجرد تفكير مع نفسي لا يدعو الي القلق
فعلا الكل يجري وراء الشهرة علي حساب الجماعة
انتي ايه اخبارك واخبار ناس امبابة ايه؟
وابقي وصلي سلامي لكل الناس
أزيك ياهيما الموضوع دة فعلا موجود مش بس ف الرياضة كله بيدور علي نفسه وبس عايز يوصل وأسمه بس هو اللى يظهر ولو البطولة جماعية أكيد مش هيظر قوي الأنانية وحب الذات هي السبب
نهلة
عاملة ايه بجد واحشني اوي وكل الجروب والله
وانا بس حبيت اعطي مثال في الرياضة في اقصدي ان دي في الرياضة بس
وان معاكي ان حب الذات هو السبب وراء النجاح في الالعاب الفردية بس مش معقول يظهر ده مع الفرد ولا يظهر مع الجماعة
ازيك يا أبراهيم
تحية طيبة من قلب الامتحانات
إما بالنسبة للبوست الجامد
فأنا هقولك حاجة بسيطة
نحن لا ندرك ثقافة العمل الجماعي
إنما إحنا كويسين قوي
كفاية إن إحنا حضارة 7000سنة
نياهاها
سلملي على واو الجماعة
عشان احنا مااتعلمناش يعنى ايه روح الجماعة والتيم ورك دايما عندنا النزعة الفردية وبتتنمى فينا من واحنا صغيرين
نفوسنا بقت ماليانة انانية وحقد ازاى نلعب جماعة ونتفوق عشان بننتمى لفريق واحنا لعندنا انتماء وا بنحب نبقى فريق
لو كنت اعلم
انا الحمد الله من قلب الاجازة
اما بخصوص 7000 سنة حضارة
لا دول 5000 سنة حضارة في 2000 سنة زيادة
وعندك حق والله
اميرة ويلز
احنا فعلا مش عارفين يكون عندنا روح الجماعة فعلا وانتشار الانانية نتيجة ايه
الاستثناء الوحيد الذي يثبت لنا عبقريتنا الجماعيه في عصرنا الحديث هو حرب اكتوبر غيرها لا تجد اننا افلحنا في اي عمل جماعي جماهيري
لكن في ماضينا العريق كانت ابداعاتنا كلها جماعيه في كل منشاتنا الحضاريه
ذو النون
عندك حق في كلامك بس في حاجات كتير فير حرب اكتوبر ظهر فيها الاداء الجماعي زي بناء السد العالي
هو فعلالاننا بنفتقد روح الجماعة ان كل واحد خد الانانية مبدا وعاوز يحقق النجاح لوحدة ويكون هو البطل دة يبقى كويس لو لعبة منفردة لكن لو لعبة جماعية او اي شيء بيشترك في مجموعة لازم يكون في حب للعمل ومشاركة بينهم كلهم
وبما ان مبفهمش في الرياضة فانا بقول بصفة عامة لان ممكن في الرياضة تكون في عوامل مشتركة ادت الي تدهور حال الرياضة ويمكن يكون منها افتقاد روح الجماعة والعمل الجماعي المشترك
إرسال تعليق